Best & natural home remedies for hair care

 Hello friends,,,,,,,,,,

Balon ka girna ek aam samasya hai jisse bahut log pareshan hote hain. Iska karan ho sakta hai poshak tatvon ki kami, hormonal problems, tanav, pollution aur sahi tarah se balon ki dekhbhal na karna. Agar aap bhi balon ke girna se pareshan hain aur natural hair cre ki talash kar rahe hain, toh aap sahi jagah par hain. Is blog mein main kuch gharelu upay batati hun jisse aap balon ka girna rok sakte hain aur swasth baalon ka vikas kar sakte hain.

Amla (Indian Gooseberry):

Amla vitamin C se bharpur hota hai, jo balon ki jadon ko mazboot banane mein madad karta hai aur balon ka girna rokta hai. Aap amla ka ras pi sakte hain ya amla tel ko apne sir par laga sakte hain. Ghar par amla tel banane ke liye, nariyal tel garam karein aur usme sukhe amla ke tukde dalein. Tel thanda hone dein, chhaan lein aur ise niyamit roop se apne sir par malish karein.

Pyaz ka Ras (Onion Juice):

Pyaz mein sulfur hota hai, jo collagen utpadan badhata hai aur balon ke jadon mein blood circulation ko sudharne mein madad karta hai. Pyaz ko blend karke ya grate karke uska ras nikal lein aur seedhe apne sir par lagayein. Ise 30 minute tak lagane ke baad mild shampoo se dho lein. Is upay ko saptah mein do baar karne se result dikhega.

Nariyal Ka Doodh (Coconut Milk):

Nariyal ka doodh poshak tatvon aur protein se bhara hota hai, jo balon ki jadon ko poshan deta hai aur balon ka girna rokta hai. Taza nariyal ka doodh nikalein aur ise sir aur baalon par lagayein. Ise 30 minute tak laga kar rakhein, phir gungune pani se dho lein. Is upay ko saptah mein ek baar karne se achhe result milenge.

Aloe Vera:

Aloe vera mein thandak pahuchane wale aur poshan dene wale gun hote hain, jo sir mein sujan kam karte hain aur balon ka vikas badhate hain. Aloe vera ke patte se gel nikal lein aur seedhe apne sir par lagayein. Ise 45 minute tak laga kar rakhein, phir ise dho lein. Is upay ko saptah mein 2-3 baar istemal karein.

Methi Dana (Fenugreek Seeds):

Methi dane protein aur nicotinic acid se bhare hote hain, jo balon ke jadon ko mazboot banate hain aur balon ka girna rokte hain. Raat bhar methi dane bhigo kar rakhein aur phir unhe pees kar smooth paste bana lein. Ise sir par lagayein