Coffee face pack for Glowing skin at home in hindi

 Introduction:

Coffee ke naam se aaj ke zamane me bhala kaun parichit nahi hai. Coffee ko hum sabhi thakaan door kerne or neend bhagane ke liye use me laate hain. Ek cup coffee aapke mind aur body  ke liye kamal ka kaam kar sakti hai, lekin kya aap jante hai ki yeh aapki skin ke liye bhi chamatkari hai? Coffee sirf ek drink hi nahi hai, balki iske kai skin care fayde bhi hain. Coffee me anti oxidants paye jate hain jo ki humari skin ke liye bahut ki faydemand hain. Ise hum face pack ke roop me bhi istemal ker sakte hain or isse hum apne chehre or hathon per scrub bhi ker sakte hain.

• Coffee face pack humari skin ko chamakdar aur khoobsurat banata hai.

• Ye face pack humari skin per dikhne wale aging factor jaise dull skin, wrinkles etc.ko kam kerne me sahayak hota hai.

• Coffee face pack skin ko tight kerne me sahayak hota hai.

• Ye chehre ke daag dhabbon ko kam ker ke humari skin ko nikhar pradan kerta hai.

• Coffee face pack humari skin ke extra oil ko reduce kerne me help kerta hai.

• Coffee face pack dead skin cells ko hata ker skin ko exfoliate hone me madad kerta hai.

Ghar per coffee face pack banane ka tareeqa

Iss blog me hum aapko ek asaan aur prabhavi coffee face pack ki recipe batayenge. Toh chaliye shuru karte hai!

Ingredients:

Coffee face pack banane ke liye aapko ye chizen chahiye hogi:

2 tablespoon coffee powder

1 tablespoon shahad (honey)

1 tablespoon dahi (yogurt)

1 teaspoon zaitun tel (olive oil)

Method:

Apne coffee face pack banane ke liye in aasaan steps ko follow karein:

Step 1: Samagri ko Milana

Ek saaf katori lein aur usme 2 tablespoon coffee powder dalein. Coffee skin ko saf karne me madad karti hai aur dead skin cells ko hata deti hai. Ab bowl me 1 tablespoon shahad dalein. Shahad humari skin ko nami pradan karta hai aur usko poshan deta hai. Fir, bowl me 1 tablespoon dahi dalein. Dahi me lactic acid hota hai, jo skin ko halka sa exfoliation karne aur chamakdar banane me madad karta hai. Last me, 1 teaspoon zaitun tel dalein. Zaitun tel natural roop se skin ko poshan deta hai aur ek swasth chamak pradan karta hai.

Step 2: Face Pack Ko Banane Aur Lagane Ka Tareeka

Sabhi ingredients ko achi tarah milaye, jab tak aap ek smooth consistency na prapt kar lein. Agar paste bahut gadha lag raha hai, toh aap thoda sa gulab jal daal kar paste ki consistency ko thik kar sakte hai. Jab face pack taiyar ho jaye, apne chehre ko halka gungune paani se dho kar sukha lein. Ab face aur gardan par ek barabar patla layer mai coffee face pack lagayein.

Step 3: Aaraam Karein 

 Face Pack Kaam Kare. Face pack lagane ke baad, thodi der ke liye aaram karein aur ise apni skin par kam karne de. Lagbhag 15-20 minute tak ise face per laga rhne de or poori tarah sookh jane den.

Step 4: Dho Kar Moisturize Karein

Sookh jane ke baad, halka gunguna paani se face pack ko dhire-dhire dho lein. Face par hathon ko halka ghumate hue face massage karein, jo exfoliation ka kam karega. Jab pack puri tarah hat jaye, thande paani se chehre ko dho lein taaki skin pores band ho jaye. Ek towel se chehre ko sukha karke apni pasand ke moisturizer se skin ko nami pradan karein.

• Coffee powder ko besan ke sath mix ker ke bhi laga sakte hain.

• Coffee powder me thoda sa Aloevera gel mila ker lagane se bhi chehre per chamak aati hai. 

• Coffee powder me thodi si cheeni gulab jal ke saath milakar chehre par halke hathon se scrub kerne se bhi tvacha me nikhar aata hai.

• In upaayon ko aap hafte me 2-3 baar ker sakte hain.

Conclusion:

Iss aasan aur effective coffee face pack ko apni skincare routine me shamil karke, aap ek natural roop se chamakdar aur khoobsurat skin prapt kar sakte hai. Aapko safety ke liye kisi bhi prakar ki allergy se bachne ke liye, ek patch test zarur karein.

Caution:

• Agar apke face per pimples hain to coffee face pack ka use na karen, ise lagane ke baad pimples or badh sakte hain ya face per redness ho sakti hai.

• Coffee ke sath kabhi bhi neebu (lemon) mix ker ke na lagayen ye skin ke liye acha nahi hota.

• Agar apki skin dry hai to coffee face pack ka use nhi kerna chahiye.